أنا ماأخون يا خاين وحبي ماعرف نقصآآن

أبفتحلك كل صفحاتي وأبحكيلك من الوجدان
وأنا أترجاك تسمعني وتعرف كل مافيني
انا ليل طواه الهم وفجره للأسف ما بان
ظلامه زايد عتمه ولابه نور يضويني
أنا بحر عميق القاع وموجه يشبه الطوفان
ولابه زورق يرسي على سطحه يسليني
انا عمري ولجظاته الم مع الهم مع الاحزاان
كتمت الجروح في صدري وناره حيل تكويني
عطيتك كل مااملك ومايغلى لعينك هان
أبيك تكون لي وحدي حبيب وماتخليني
بنيت بداخلي قصر ابيك تكمل البنيان
لقيتك هادم قصري وساسه بدل بطين
يهل الدمع من عيني اذا شفتك مني زعلان
وادور كل مايرضي ضميرك يامعنيني
تحملت الطعون وقلتلك باكر تصير إنسان
وبدل ماتشفي طعوني بسكينك تعاديني
نهاية حبنا راحت بروح لعالم النسيان
حلفت انساك ياخلي وأنا ما بيك تطريني
انا عندي كرامه وصعب انك تهين إنسان
يصون العهد في حبك خساره طحت من عيني
أنا ماخون ياخاين وحبي ماعرف نقصان
بتمم كلمتي وانهي غرامك من شراييني