ايش تفيد كلمة اسف

وش تفيد بالله كلمة آآآســــفه
قوليلي هالكلمـــة وش تفيييد

إلي حصل بيننا سالفته سالفه
أولها جــــرح ونزف دم الوريد

والمشكله انك تدرين وعارفه
أن حبــي لك يذوب له الحديد

يوم شفتك من بعيـــــد واقفه
خفق ثم خفق أنا قلبي العنيد

دون موعد كان القاء مصادفه
التقى قلبي بالهوى الي يريد

ناضرتيني بعين كانت خااايفه
نظرة عين سهمها جارح كوويد

بين الموج والرعد وذيك العاصفه
كان قلبي يخفق بحبـــك أكيييد

لمست بقلبك جرووح ألم نازفه
جروح ماضيها مبطي بعييييد

نظرة ألم وآآآه ودمعات ذارفه
غلاف لقصة حب وفاها شهيد

هذا أول القاء كان والمصادفه
والقصة تبدأ بيننا من جديييييد

كنتي حيل مني مررره خايفه
وكنت بالحب أنا مره مره بليد

دفعني لك قلبك وكل عواطفه
عواطف حسبتها كل لحظه تزيد

صورة رسمتيها كــــانت زايفه
للمحبة اللي قيدتيها بألف قيد

غرتني دمعااتك الحزينه الذارفه
ونظرات ألم قاااسي مره شديد

ما دريت أن محبتك كانت مجازفه
وأن الهوى بدنياك اصبح فقيييد

واحسايف قلبي آآه واحسايفه
واحسااايف فيك حروف القصيد

رحل قلبك يدور بـــاقي ولايفه
رحل وترك قلبي لحاااله وحيد

رحلتي ولحبي صرتي عاايفه
صديتي عني بقلبك الصديييد

لاتنسين بأنك لي بربك حالفه
ماتلمسك غير يدي بالدنيا أيد

عهود نقضتيها ورميتيها تالفه
ودستيها برجلك مثل الجريييد

نسيتي ذااك القلب وكل مواقفه
نسيتي وقفاته وصوت التغاااريد

نسيتي ذيك الشــموع الخااافته
وضحكاتنا اللي كنها صبح عيد

نسيتي ذيك العزوم المتكاتفه
يوم كل منا كان لثاني عضيد

نسيتي درب المحبة ومشــارفه
واحلامنا اللي في سوالفنا نعيد

نسيتي ذاك الطفل ووصايفه
اللي بيعيش بيننا والله سعيد

احلام جرفتها الأمواج الجارفه
لين رمتها بذيك الشواطي بعيد

احاسيس قلب دمرتها العاصفه
الملم شتاتها بين ريــاح ورعيد

انزفتي دم قلب كنتي كل طوايفه
قلب ما فيه الغــدر ولاهو يكيييد

وياليتك أي خطأ علي شــــايفه
يبرر هجـــرانـــك وبعدك البعييد

هذا جزاء القلوب الطيبه النايفه
إلي بسبة هواها تتبدد بديييييد

وش تفيد بالله كلمة آآآســـــفه
قوليلي هالكلمــــة وش تفيييد