الشباب دايم فاضحيننا بس دي المواقف كتيييييييير

مواقف مضحكة لـ الشباب

الأول / واحد يقول ..
مرة كنا في صلاة الفجر .. وتعرفون نص المصلين معظمهم يسهر ويقومون لصلاة الفجر وهم ما شبعوا نوم .. كان الإمام
يقرأ سورة من ضمن آياتها ( الضاااالين ) .. قراها الإمام ومدها كأنها الضالين اللي في سورة الفاتحةوبعدها ما تشوفون إلا آآآآآآآمين من النايمين على بالهم إن الإمام يقرأ سورة الفاتحة .

الثاني / يقول ..
كنت رايح للمسجد أنا وأخوي .. وبالسجود نام أخوي .. رفعنا من السجود وأخوي إلى ألحين نايك .. حاولت إني أصحيه بس الولد ما صحى نااايم .. جيت نغزته من جنبه نغزة قوية .. قام وقال بصوت عالي : وييييييييييييييييين ياعمي ماتعرف تصحي الناس .. وبعدين عرف أنه في المسجد فقطع صلاته .. وطلع برا المسجد هاااج .. والجماعة ميتين من الضحك .

الثالث / مسيكين ..
هذا واحد أخوياه ماينلعب معهم .. يوم عرسه مروه وقالوا له يالله مشينا الحلاق نسمكر وجهك .. يوم ودوه للحلاق ( وكانوا متفقين مع الحلاق من قبل ) وينقز واحد منهم ويتل راسه ويقول للحلاق يالله أدهر وأبو الشباب ماعاقت معه وجز راس المعرس .. مووووووووووس .. والمعرس قفلت معه ولا قدر يسوي شي .. يوم جا العرس طق الطاقيه والغتره ومشى كل شي سليم .. عاد يوم جا بالبيت لازم يشيل الغتره موب على طول بتبتل كذا .. يوم فصخ الغتره وطلعت الصلعه البنت قالت ذا مهبول ولا فيه بلا .. ولا أحد يحلق مووس يوم زواجه .. والبنت خافت منه وقالتله ودن بيت أهلي .

الرابع / يقول سالفته ..
مره ركبت الطيارة أنا و ولد أختي و وبنت أختي وجانا المضيف يقدم العصير لنا .. ولد أختي راكب بالكرسي الوسطي وأنا على يمينه و وبنت أختي على الشباك ( النافذة ) أخذنا العصير و يوم خلصنا جانا المضيف ياخذ الأكواب طبعا و ولد أختي طلب عصير بالتوت وماشربه كله أعطيت أنا المضيف الكوب و وبنت أختي أعطته و ولد أختي أعطاه آخر واحد وكان فيه عصير ماكمله طبعا أعطاه من فوق راسي مسكه المضيف الكوب بس مامسكه زين وولد أختي بعد مامسكه زين .. وش صار بالكووب .. طاح وهم يقدمونه من فوق راسي ...طاح علي ويومها كنت مكشخ ولابس شماغ وشخصيه يحبها قلبك يوم طاح العصير علي بدل ماكان شماغي نظيف والثوب ابيض صار كله لونه أحمر من العصير وصراحة وجهي صار ( أحمر ) والإحراج عندي 100% يعني انحرج على طول صار كلي احمر×احمر وتحرينا وقعت الطياره ويوم نزلو الركاب وآخر واحد نزل أنا ودخلت الصالة وعلى طول دورة المياه غيرت ثوبي وتعرفون الثوب مشي حالك بس خليها على الله وبعدها حرمت آخذ ولد أختي معي ثاني مره أو آخذ واحد يركب الطيارة أول مره .

الخامس / ياخي الشباب وصلاة الفجر مشكلة ..
واحد من الشباب قومه أبوه لصلاة الفجر المهم صاحبنا كان تعبان جدا وفي التشهد نام فعلا وهو جالس وعند سماعه للامام يقول السلام عليكم ورحمة الله فز من مكانه ماد يده بصوت جهوري وعليكم السلام .

السادس / البيبسي ..
فيه وحدة تقول في أول أيام زواجي طلب مني زوجي ان افتح له علبة بيبسي .. قمت وفتحت العلبة قدام وجهه و.. يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وأنا أشوف هالموقف .
، ، ،

لاتزعلو بليييييز تحياتي
bebo&7apepo

يسلموا على الموضوع

مشكورة بيبو ...

ربنا يهدي ابناء وبنات المسلمين...
أمين يارب.

الله يسلمك دلوعه وثانكس على المرور
والعفو ناديمه يسلمووو على احلى مرور
منورين الصفحه

هههههههههههههه

يسلمو على الطرح

دوووووووووووووووم الضحكه
الله يسلمك