يعني اذا بيوم يضحك لي بيجي يوم يبكيني..!!

من صغري وأنـا اسمع يقولون الزمان يدور
يعني إذا بيوم يضحك لي بيجي باكر ويبكيني

وكلن شايل همه احد ضايق واحد مقهووور
وانـا بس اواسيهم ومابه من يواسيني

وانـا ماودي اتكلم وابوح واكشف المستور
ولكن يالغلا صـدك على هالبوح يجبرني

انـا للحزن قصه وله في داخلي دستور
اجامل وابتسم لناس ودمعي ساكن بعيني

وانـا الي حيل يتعبني لاضقت دمعي المغرور
تخيل مايبي يسكب يخاف انه يريحني

اموووت بـضيقتي فيني واعاني من زمان الجور
وتخنق عبرتي صدري وتجرح دمعتي عيني

انـا مـاودي ازيدك هـم انـا ودي تعيش مسرور
ولكني ابي تعرف ترى حزني يبعثـرني

انـا قلبي من عنا وقتي حزين وخاطري مكسور
وانـا الي زايد بهمي صمتي الي متعبني

وترى مهما يضيق الكون ترى عقب الظلام النور
يعني مثل ماضــاقت بتفرج باقي سنيني

انـا لو قلت لي ضايق اشيل همك انـا على الفور
انـا ما ابي احد يحزن واذا به شي يربطني

وانـا الي بيني وبينك شعر ومحبه وشعور
غلا يجمع محبتنا مثل محبه اخويني

وانـا شعري ترى مابه غموض وعنجهه وغرور
وانـا شعري صدر بااحساس طفل ساكن فيني

انــا ودي ابين لك وابوح بكل مافيني يدور
ولكن ما ابي اصبـح ثقيل وما تدانيني

وانـا موتي ولا اصبح على احد(ن) ثقيل ومايبيلي دور
وانـا ودي اذا جاء موتي اموت وعزتي فيني

وكانك ياالغــلا تبغى يكون القصيد بيننا منثور
اجل اقرب وانـا اكتب لك قصيدن يوصف سنيني

وانـا اقول على كل الي مضى مشكووور
وكاني اخطيت في حقك ابيك الحين تعفينـي

وانـا بطلب باخر بيت من إلي يعلم ماخفى بصدور
انه يسعد قلبك دوووم ويسعد باقي سنيني
--------------............--------------

تحياتي :: تيما